Bulaggna

Anò avó bisåggn ed cgnóssret
durànt un viâz
magâra tintànd ed pêrder mé
od artruvèrum
dal mumänt ch'a sån nèd e carsó
int al tô granb ed mèder sbadè.
Sgnåura dla Medgénna
e dl antîg savair acadêmic
Naigra Madòna in vatta
a sizänt-ssantasî èrc
Dâma dla nabbia e d mistêri tenplèr
Ziclòpichi sfêr, Garisannda e Asnî
äl bâten al tänp dal mî månnd intariåur.
Cà ed tèra consacrè al dío dal mèr
travarsè da canî e da antîg acuedótt suplé.
Dîs al pruvêrbi: par cgnósser un bulgnais
ai vôl un ân e un mais;
pó quand t l è cgnusó,
t an al cgnóss cum at acgnóss ló.